सप्तरी- सप्तरीको रूपनी गाउँपालिका–२ का बालेश्वर खंग र उनकी श्रीमती रामकुमारी खंगको करेन्ट लागी मृत्यु भएपछि मधेश प्रदेश सरकारले नागरिक बीमा सुविधा उपलब्ध गराउने पहल थालेको छ।
प्रदेश सरकारको उच्चस्तरीय टोली पीडितको घर पुगेर समवेदना व्यक्त गर्दै बीमा प्रक्रियाका लागि आवश्यक कागजात संकलन सुरु गरेको छ। टोलीमा खेलकुद तथा समाज कल्याण मन्त्रालयका निमित्त सचिव, मुख्यमन्त्रीका प्रेस सल्लाहकार, उपसचिव तथा बीमा कम्पनीका प्रतिनिधि सहभागी थिए।
खंग दम्पति दैनिक मजदुरी गर्दै आएका थिए र उनीहरूको मृत्युले परिवार शोकमा परेको छ। सरकारको नागरिक बीमा कार्यक्रम अन्तर्गत पीडित परिवारलाई सहयोग गरिनेछ।
