महोत्तरी — बर्दिवास नगरपालिकाले काजमा फिर्ता गरेका डा. सुदिप ठाकुरलाई बर्दिवास अस्पतालमै काम गर्न दिने आदेश अदालतले जारी गरेको छ।

न्यायाधीश गीता प्रसाद तिमलिसिना र जगदीश घिमिरेको संयुक्त इजलासले नगरपालिकालाई काजमा फिर्ता पठाउने अधिकार नभएको ठहर गर्दै डा. ठाकुरलाई यथास्थितिमा काम गर्न दिन आदेश जारी गरेको हो।

उक्त मुद्दामा निवेदक पक्षबाट अधिवक्ता श्याम कुमार मिश्र र विपक्षी नगरपालिका पक्षबाट अधिवक्ता मुकेश कुमार कार्कीले बहस गरेका थिए।