बरहथवा, सर्लाही — अन्तर्राष्ट्रिय युवा दिवसको अवसरमा ‘एक युवा – एक बिरुवा’ अभियान अन्तर्गत बरहथवाका स्थानीय युवाहरूको पहलमा तथा मुर्तिया र जानकीनगर वन कार्यालयको संयुक्त साझेदारीमा आज बरहथवा बजारमा १५०० भन्दा बढी बिरुवा वितरण गरिएको छ।
कार्यक्रमका क्रममा स्थानीयवासी तथा बजारमा आएका व्यक्तिहरूलाई विभिन्न प्रजातिका बिरुवा वितरण गरियो। प्रत्येक बिरुवा प्राप्तकर्ताले “म यो बिरुवालाई माया गर्ने, पानी दिने र हुर्काउने” प्रतिबद्धतापत्रमा हस्ताक्षर गर्दै वातावरण संरक्षणप्रति आफ्नो प्रतिवद्धता जनाए।
आयोजकहरूले यस अभियानको मुख्य उद्देश्य समुदायमा वातावरण संरक्षणको सन्देश फैलाउने र वृक्षारोपणलाई जीवनशैलीको हिस्सा बनाउन प्रेरित गर्ने रहेको बताएका छन्।
आयोजक: बरहथवाका स्थानीय युवा
