महोत्तरी – सर्लाहीको हरिपुर्वा नगरपालिका–६ निवासी अन्दाजी ५० वर्षीय रामपुकार यादवमाथि बुधबार साँझ गोली प्रहार गरिएको छ। गोली टाउकोमा लागेका कारण उनको अवस्था गम्भीर बनेको थियो ।

प्रत्यक्षदर्शीका अनुसार, दुई जना अपाचे मोटरसाइकलमा आएका व्यक्तिहरूले तिव्र गतिमा गोली प्रहार गरेर भाग्ने क्रममा बसन्तपुरमा दुर्घटना भई उनीहरू मध्ये एक जना पक्राउ परेका छन् भने अर्का फरार छन् । पक्राउ परेका व्यक्तिलाई उपचारका लागि लालबन्दी पठाइएको छ ।

घटनापछि यादवलाई महोत्तरीको पर्सास्थित जानकी हेल्थ केयरमा पुर्याइएको थियो । तर, चिकित्सकहरूले उनलाई मृत घोषणा गरेका छन्। प्रहरीले घटनाबारे अनुसन्धान अघि बढाएको जनाएको छ ।