सर्लाहीको हरिवन नगरपालिका–८, पुरानो बजारका ४० वर्षीय विजय ढुंगेल हिजो बिहानदेखि बेपत्ता भएका छन्। परिवारका अनुसार उनी बिहान करिब ८ बजे कसैलाई जानकारी नदिई घरबाट निस्केका थिए र अहिलेसम्म फर्किएका छैनन्। ढुंगेलले निलो रंगको कलर भएको टिसर्ट र जिन्सको हाफ प्यान्ट लगाएका थिए।

उनको मानसिक स्वास्थ्य अवस्था विगत लामो समयदेखि राम्रो नरहेको र नियमित रूपमा औषधि सेवन गर्दै आएको परिवारले जानकारी गराएको छ। यसअघि पनि उनी यस्तै गरी घरबाट हराएको तर केही समयपछि सम्पर्कमा आएको तथ्य परिवारले स्मरण गरेको छ।

परिवारले इलाका प्रहरी कार्यालय हरिवनमा आधिकारिक रूपमा जानकारी गराइसकेका छन्। जो कोहीले ढुंगेललाई देखेमा वा भेटेमा तत्काल ९८५४०३७०११ मा सम्पर्क गरी सहयोग गरिदिन आग्रह गरिएको छ।