रौतहट- केही दिनअघि रुबि साहलाई हत्या गरी सुटकेशमा फालिएको घटनामा संलग्न रहेको आरोप लागेका लक्ष्मण पासवानलाई प्रहरीले पक्राउ गरेको छ।

माधवनारायण नगरपालिका–६ माधोपुर निवासी पासवानलाई बुधबार प्रहरी टोलीले नियन्त्रणमा लिएको हो। माधोपुरदेखि पश्चिमतर्फ नहर जाने बाटोमा उनले आफ्नै शरीरमा आगो लगाउने प्रयास गरेको अवस्थामा प्रहरीले उनलाई पक्राउ गरेको जिल्ला प्रहरी कार्यालय रौतहटले जनाएको छ।

साहको हत्या प्रकरणले स्थानीय क्षेत्रमा ठूलो चर्चा पाएको थियो। घटना अनुसन्धानलाई अघि बढाउँदै प्रहरीले प्रमुख आरोपीलाई नियन्त्रणमा लिएपछि थप विवरण सार्वजनिक गर्ने तयारी गरेको छ।