मधेस प्रदेशको राजधानी जनकपुरधाम, धनुषामा मर्यादित महिनावारी अभियान नेपाल मधेस प्रदेशको आयोजनामा गंगासागर किनारमा शहीदहरूको स्मृतिमा दिप प्रज्वलन कार्यक्रम सम्पन्न गरिएको छ। कार्यक्रममा ठूलो संख्यामा युवाहरू, समाजसेवी तथा स्थानीय दाजुभाइ दिदीबहिनीहरूको उल्लेखनीय उपस्थिति रहेको थियो।
कार्यक्रममा सहभागी सम्पूर्ण व्यक्तिहरूप्रति आयोजक टोलीले हार्दिक धन्यवाद ज्ञापन गरेको छ। दिप प्रज्वलनले शहीदहरूको बलिदानप्रति श्रद्धाञ्जली अर्पण गर्नुका साथै वर्तमान पुस्तालाई राष्ट्र निर्माणमा सक्रिय योगदान दिन प्रेरित गरेको आयोजकहरूको भनाइ रहेको छ।
शहीदहरूको बलिदान व्यर्थ हुन नदिने अठोटका साथ आयोजकहरूले भ्रष्टाचारमुक्त, पारदर्शी र समावेशी राष्ट्र निर्माणतर्फ निरन्तर अघि बढ्ने प्रतिबद्धता व्यक्त गरेका छन्। साथै, मर्यादित महिनावारीमैत्री समाज निर्माणका लागि अभियानलाई अझ सबल र प्रभावकारी बनाउन निरन्तर क्रियाशील रहने प्रतिज्ञा पनि गरिएको छ।
प्रतिक्रिया
सम्बन्धित समाचार
