हालै Gen Z आन्दोलनका क्रममा भएको तोडफोडपछि हरिवन नगरपालिकाको विभिन्न स्थानमा सरसफाइ कार्य गरिएको छ। सरसफाइ अभियानमा हरिवन ओपन स्काउट क्रुउ सक्रिय रूपमा सहभागी भई सडक, चोक र सार्वजनिक स्थलहरू सफा गरेका छन्।

यस अभियानमार्फत शहरलाई पुनः सफा, सुन्दर र शान्त बनाउन स्काउट सदस्यहरूले हातेमालो गरेका थिए। सामूहिक प्रयासमार्फत हरिवनलाई पूर्ववत् अवस्थामा फर्काउने उद्देश्यले गरिएको यो कार्यलाई स्थानीयवासीहरूले समेत प्रसंसा गरेका छन्

स्काउट क्रुउकी सदस्य रोशिका फुयालले जानकारी दिँदै “सफाइ गर्नु हाम्रो जिम्मेवारी हो” भन्दै यस किसिमका अभियानले सामाजिक सचेतना बढाउने बताइन्। उनले सबैलाई आफ्नो क्षेत्रमा सफाइ अभियानमा जोडिन र सहरलाई हराभरा र शान्त बनाउन योगदान गर्न आह्वान गरिन्।