जनकपुरधाम, असोज २७ गते ।
मधेस प्रदेशमा लोकतान्त्रिक समाजवादी पार्टी नेपाल (लोसपा) ले मुख्यमन्त्री सतिश कुमार सिंह नेतृत्वको सरकारलाई दिएको समर्थन फिर्ता लिएको छ ।
प्रदेश प्रमुखको कार्यालय जनकपुरधामले सोमबार एक विज्ञप्ति जारी गर्दै लोसपाले दिएको समर्थन औपचारिक रूपमा फिर्ता लिएको जानकारी दिएको हो ।
विज्ञप्तिमा उल्लेख छ, “नेपालको संविधानको धारा १६८ को उपधारा (२) बमोजिम गठन भएको मधेस प्रदेश सरकारलाई लोकतान्त्रिक समाजवादी पार्टी नेपालले दिएको समर्थन आजकै मितिबाट फिर्ता लिइएको व्यहोरा जानकारीका लागि अनुरोध छ ।”
लोसपाको तर्फबाट प्रदेश प्रमुखको कार्यालयमा पत्र बुझाउने काम पार्टीको प्रदेश संसदीय दलका प्रतिनिधिहरूले गरेका छन् ।
लोसपाको समर्थन फिर्तासँगै मुख्यमन्त्री सतिश कुमार सिंह नेतृत्वको सरकार सङ्कटमा परेको छ । मुख्यमन्त्री सिंहले मंगलबार प्रदेश सभामा विश्वासको मत लिनुपर्ने तय भइसकेको छ ।
यदि सिंहले बहुमत प्राप्त गर्न सकेनन् भने, संविधानको धारा १६८ अनुसार नयाँ सरकार गठनको प्रक्रिया सुरु हुनेछ ।
प्रतिक्रिया
सम्बन्धित समाचार
