गौशाला, महोत्तरी । महोत्तरीको गौशाला नगरपालिका–५ स्थित श्री त्रिभुवन माध्यमिक विद्यालय गौशालामा अस्थायी विद्यालय व्यवस्थापन समिति गठन गरिएको छ ।

विद्यालयको च.नं. ४५ मिति २०८२/०६/२२ को पत्र, नगर शिक्षा समितिको मिति २०८२/०६/२७ गतेको निर्णय, साथै गौशाला नगरपालिकाको शिक्षा ऐन, २०८० तथा विद्यालय शिक्षा संचालन, व्यवस्थापन तथा नियमन कार्यविधि, २०८२ को दफा ५३ को उपदफा बमोजिम एक शैक्षिक सत्रको लागि अस्थायी समिति गठन गरिएको हो ।

गठित अस्थायी विद्यालय व्यवस्थापन समितिको अध्यक्षमा दिनेश्वर महतो चयन भएका छन् । त्यस्तै, सदस्यहरूमा मो. बद्रे आलम, जुना श्रेष्ठ, ठगनी देवी, विसुनदेव सिंह, ओम प्रकाश गुप्ता (वडाध्यक्ष), ईन्दल कुमार राउत्त (शिक्षा प्रेमी), पप्पु कुमार रोशन (शिक्षक प्रतिनिधि) र बिनोद महतो (प्रधानाध्यापक) सदस्य सचिव रहेका छन्।

नगर शिक्षा समितिको निर्णय अनुसार, सो समिति एक शैक्षिक सत्रका लागि मात्र अस्थायी रुपमा कार्यरत रहनेछ । यस अवधिभित्र विद्यालयले अभिभावक भेला बोलाई स्थायी विद्यालय व्यवस्थापन समिति गठन गरेपछि अस्थायी समिति स्वत: निष्क्रिय हुने जनाइएको छ ।