बर्दिबास । लियो क्लब अफ बर्दिबास समाजले लायन्स वर्ष २०२५/२६ अवधिभर सञ्चालन गरेका सामाजिक सेवा, नेतृत्व विकास तथा समुदायमुखी कार्यक्रमहरूको वार्षिक उपलब्धि सार्वजनिक गरेको छ। क्लबले एक वर्षको अवधिमा शिक्षा, स्वास्थ्य, वातावरण संरक्षण, रक्तदान, राहत वितरण, जनचेतनामूलक अभियान, युवा नेतृत्व विकास तथा विविध सामाजिक सेवामूलक कार्यक्रमहरू प्रभावकारी रूपमा सम्पन्न गर्दै समुदायमा सकारात्मक प्रभाव छोड्न सफल भएको जनाएको छ।

क्लबका अनुसार वर्षभर सञ्चालन गरिएका प्रत्येक कार्यक्रमले समाजमा सेवा, सहकार्य र मानवताको भावना प्रवर्द्धन गर्नुका साथै समुदायमा नयाँ आशा र सकारात्मक सन्देश प्रवाह गरेको छ। विभिन्न अभियानहरूमा लायन्स तथा लियो सदस्यहरू, स्थानीय सरकार, विभिन्न संघ–संस्था, सहयोगी निकाय, सामाजिक अभियन्ता तथा स्थानीय समुदायको उल्लेखनीय सहभागिता रहेको थियो।

क्लबले वार्षिक उपलब्धि सार्वजनिक गर्दै सेवा यात्रामा साथ दिने सम्पूर्ण सदस्य, सहयोगी संस्था, शुभेच्छुक तथा समुदायप्रति आभार व्यक्त गरेको छ। क्लबका अनुसार यो उपलब्धि केवल कार्यक्रमहरूको सङ्ख्या मात्र नभई समाजप्रतिको समर्पण, जिम्मेवार नेतृत्व र निस्वार्थ सेवाभावको परिणाम हो।

लायन्स वर्ष २०२५/२६ को सफल समापनसँगै क्लबले नयाँ नेतृत्वलाई जिम्मेवारी हस्तान्तरण गर्दै आगामी दिनमा अझ प्रभावकारी, समावेशी र दिगो सामाजिक सेवाका कार्यक्रम सञ्चालन गर्ने प्रतिबद्धता व्यक्त गरेको छ।

क्लबले आफ्नो मूल मन्त्र “सेवा हाम्रो धर्म, नेतृत्व हाम्रो पहिचान र मानवता हाम्रो गन्तव्य” लाई आत्मसात् गर्दै आगामी वर्षहरूमा पनि समाज रूपान्तरणका लागि निरन्तर क्रियाशील रहने जनाएको छ।