मलङ्गवा, सर्लाही – २०७२ साउन २७ गते जिल्ला युवा सञ्जाल, सर्लाहीको आयोजनामा स्टार्टअप आइडिया एक्सचेन्ज समिट २०२५ सर्लाही क्याम्पस, मलङ्गवामा भव्य रूपमा सम्पन्न भएको छ। “Youth in Startups – Think, Share & Build” भन्ने मुल नारासहित भएको कार्यक्रममा १०० भन्दा बढी उत्साही सहभागी, नवप्रवर्तक तथा परिवर्तनकर्ताहरूको उपस्थिति रहेको थियो।
कार्यक्रममा आइडिया प्रेजेन्टेशन, मेन्टोरिङ सेसन र नेटवर्किङ अवसर जस्ता गतिविधिहरू समावेश गरिएका थिए। यस अवसरमा सहभागीहरूले नयाँ स्टार्टअप विचार प्रस्तुत गर्नुका साथै अनुभव र ज्ञान आदान–प्रदान गरेका थिए।
कार्यक्रमका अध्यक्ष जिल्ला युवा सञ्जाल सर्लाहीका अध्यक्ष कमल कुमार महतो रहनु भएको थियो भने प्रमुख अतिथि सर्लाहीका प्रमुख जिल्ला अधिकारी तुलसी बहादुर श्रेष्ठ हुनुहुन्थ्यो।
विशिष्ट तथा अन्य अतिथिहरूमा सशस्त्र प्रहरी S.P. देव बहादुर चन्द, UNFPA जिल्ला संयोजक बच्चालाल महतो, RUWA अध्यक्ष गोमा देवी न्यौपाने, बागमती सेवा समाज प्रतिनिधि राम कृष्ण यादव, RRPK प्रतिनिधि जय नेन्द्र साह, ROYM नेपाल अध्यक्ष अरविन्द चौधरी, युवाअभियन्ता अभिनाश यादव र सन्तोष यादव, स्वतन्त्र विद्यार्थी यूनियन (FSU) सर्लाही क्याम्पस अध्यक्ष सुजित यादव, साथै ओमप्रकाश ठाकुर लगायतको उपस्थिति रहेको थियो।
समिटलाई सफल बनाउन सहयोग गर्ने संस्थाहरूमा RRPK, RUWA, बागमती सेवा समाज, ROYM, UNFPA तथा लालबन्दी नगरपालिका रहेका छन्। त्यस्तै, विशेष सहयोगी व्यक्तिहरू सन्तोष दाहाल, बच्चालाल महतो, मनोज साह, रुपेश कर्ण, बासुदेव अधिकारी, गोपाल पजियार, मनोज कुमार आचार्य र राजकुमार न्यौपाने प्रति आयोजकले आभार प्रकट गरेको छ।
जिल्ला युवा सञ्जाल सर्लाहीका अध्यक्ष कमल कुमार महतोका अनुसार, यस्तो कार्यक्रमले युवाहरूमा उद्यमशीलताको भावना जगाउने मात्र नभई नेपालको भविष्यका लागि नवीनतम सोच र नेटवर्किङको सशक्त प्लेटफर्म उपलब्ध गराएको छ। आगामी दिनमा पनि युवाहरूलाई सक्षम बनाउन यस्ता कार्यक्रम निरन्तर सञ्चालन गरिने उनले बताएका छन्।
