मधेश प्रदेशको धनुषा जिल्लाको लक्ष्मीनिया- ७ मा २०८२ साल भदौ ३ गते मर्यादित महिनावारी सम्बन्धी जानकारीमूलक कार्यक्रम तथा छलफल सफलतापूर्वक सम्पन्न गरिएको छ। कार्यक्रमको सहजीकरण नेपाल डिग्निफाइड मेन्स्ट्रुएशन सेन्टर (DMC Nepal) की केन्द्रीय सदस्य स्नेहा झा द्वारा गरिएको थियो।

यस कार्यक्रममा दलित, जनजाति, ब्राह्मण, मुस्लिम लगायत विभिन्न समुदायका आमा समूहका सदस्यहरूको सक्रिय सहभागिता रहेको थियो। सहभागीबीचको संवाद मुख्यत: महिनावारीका बेला हुने विभेद तथा त्यसलाई कम गर्ने उपायहरूमा केन्द्रित रहेको थियो।

यो फेलोसिप कार्यक्रम ग्लोबल साउथ कोअलिसन फर डिग्निफाइड मेन्स्ट्रुएशन, राधा पौडेल फाउन्डेशन, सेती फाउन्डेशन र एएचएफ नेपालको सहकार्यमा सञ्चालन भइरहेको छ। यस किसिमका छलफल तथा सचेतनामूलक कार्यक्रमहरूले स्थानीय समुदायमा महिनावारी सम्बन्धी नकरात्मक धारणाहरू कम गर्नेमा योगदान पुग्ने विश्वास लिइएको छ।