– अरुण साह

आउँदो फाल्गुन २१ गते देशभर प्रतिनिधि सभाको चुनाव हुँदैछ। मधेशमा यसका लागि मतदाता नामावलीमा नाम दर्ता गर्ने उत्साह युवामाझ स्पष्ट देखिन्छ। म पनि हालसालै मतदान गर्न योग्य भएको छु, र यो मेरो लागि निकै गर्वको क्षण हो।

मतदाता कार्ड प्राप्त गर्दा मलाई एक जिम्मेवार र सचेत नेपाली नागरिक भएको अनुभूति भयो। यो सानो कार्डले ठूलो अर्थ बोकेको छ-यो मेरो मतको शक्ति र देशको भविष्य निर्माणमा मेरो भूमिका दुवैलाई प्रतिनिधित्व गर्छ।

आगामी निर्वाचनमा मेरो मतको मूल्य रहोस् र लोकतान्त्रिक प्रक्रियामा म पनि सहभागी बन्न सकूँ भन्ने चाहना मेरो छ। सक्रिय मतदाता हुनु केवल अधिकार होइन, यो हाम्रो कर्तव्य पनि हो। जिम्मेवार नागरिकको रूपमा मतदान गरेर हामीले हाम्रो समाज र देशको दिशा तय गर्न सक्छौं।

यसैले, सबै युवालाई म आह्वान गर्न चाहन्छु-आफ्नो मत प्रयोग गर्नुहोस्। देशको भविष्य तपाईंको हातमा छ।