सर्लाही जिल्लास्थित जनज्योति बहुमुखी क्याम्पसको आयोजनामा स्नातक चौथो वर्षका विद्यार्थीहरूको विदाई, नववर्षको शुभकामना आदान–प्रदान तथा अतिरिक्त क्रियाकलाप अन्तर्गत पुरस्कार वितरण कार्यक्रम सफलतापूर्वक सम्पन्न भएको छ।

कार्यक्रम अतिरिक्त क्रियाकलाप उपसमिति संयोजक तथा क्याम्पस व्यवस्थापन समिति उपाध्यक्ष कमलप्रसाद पौडेलको अध्यक्षतामा सम्पन्न भएको थियो। कार्यक्रममा प्रमुख अतिथिका रूपमा क्याम्पस व्यवस्थापन समिति अध्यक्ष दीपक अधिकारी उपस्थित हुनुहुन्थ्यो भने विशिष्ट अतिथिहरूमा क्याम्पस प्रमुख वीरेन्द्र चौधरी, सहायक क्याम्पस प्रमुख (शिक्षा) शिव हरि नेपाल र सहायक क्याम्पस प्रमुख (व्यवस्थापन) नारदबहादुर धामीको उपस्थिति रहेको थियो।
यसैगरी, शिक्षक कर्मचारी सङ्घका अध्यक्ष भुवन काफ्ले, स्टुडेन्ट क्वालिटी सर्कलका संयोजक एकता लामिछाने, क्याम्पसका पत्रकारहरू तथा शिक्षक–कर्मचारीहरूको उल्लेखनीय उपस्थिति रहेको थियो। कार्यक्रममा विद्यार्थी, पत्रकार प्रतिनिधि, सुरक्षाकर्मी लगायत विभिन्न क्षेत्रका व्यक्तिहरूको सहभागिता रहेको थियो।

कार्यक्रमका अवसरमा स्नातक चौथो वर्षमा अध्ययनरत विद्यार्थीहरूलाई औपचारिक रूपमा विदाई गरिएको थियो। साथै, अतिरिक्त क्रियाकलापमा उत्कृष्ट प्रदर्शन गर्दै सफलता हासिल गर्ने २५ जना विद्यार्थीहरूलाई प्रमाणपत्र, मेडल तथा नगद पुरस्कार प्रमुख अतिथिको हातबाट वितरण गरिएको थियो।
कार्यक्रममा क्याम्पस प्रमुख वीरेन्द्र चौधरीले आउँदै गरेको नववर्षको अवसरमा सम्पूर्णमा शुभकामना व्यक्त गर्नुभएको थियो। कार्यक्रमको सञ्चालन विपुल कुमार कुशवाहाले गर्नुभएको थियो l